開場白
幫襯葫蘆，有個乜論，話要同葫蘆「夾」。 即係好嘅葫蘆係「il Mare」。
黃元御出身書香門第，立下青雲志。雍正十二年，佢三十歲，用功過度，患眼疾，il mare，數年內，左目完全失明，讀書叻都冇用，五官不正，不準入仕。佢發憤立志：「生不為名相濟世，亦當為名醫濟人」。 最後被譽為「黃藥師」、「一代宗師」，寫左《四聖心源》。
梯級
五百幾級上山嘅梯級，躝上去嘅過程，六隻字就講哂：「上氣唔接下氣」。
見過一位俏麗人跑到篤，望住手上面隻跑錶，話慢左二十幾秒，琴日係兩分半鐘。佢件運動文胸，唔喺當「模特兒走秀」。
五百幾級行到篤，就有一條由東向西嘅斜路，跟住斜路，就去到上面半山一塊平地。
五百幾級，行左三分之一後，右手邊，有條隱蔽嘅路仔，行去引水道。引水道傍邊，樹陰下，有條梯級上山，其實係比工人用嘅，闊度係半個人嘅身位。引水道梯級行到篤，係條平路。行左一陣，就同番五百幾級嘅盡頭重逢，再行條斜路上山，去塊平地。
引水道梯級幾隱蔽咖。見到另一位俏麗人行到分支，就轉去引水道。咁就發現左引水道嘅梯級。
佢上氣一路接到下氣（冇打錯字），一條氣，去到平地，係白燕堅忍不拔嘅樣，完全冇停落泥。
追唔到。
俏麗人去到平地，就拉筋，拉到可以用腳梳頭咁。睇到心癢癢。想學。
幾次撞正佢，有 1 次問，點解要行引水道旁邊嘅梯級。佢話因為有樹陰，怕曬。呢個係第 1 次傾偈。
有次係街，見到有個俏麗人，拖住舊乜係街行，望過泥，陰陰嘴笑。
林緊做乜野反應、林緊係邊個、林緊係唔係圈套、咁就過晒條馬路，「向左走、向右走」。後來先至醒起係俏麗人。
冇去平地一排，佢問點解，佢仲爆自己有乜乜病，先至行山。緊張到唔記得左佢講左乜，淨係記得佢好担心，好似係頑疾咁，仲好快要做手術。佢成個面黑晒，唔識醫學，都知道好大鑊。第 2 次傾偈、開始講咁多私穩、大家欲言而止，但係好似「太平輪」臨別咁。
後泥，唔同時間去，再冇見到佢。
收場白
讀到「偶爾治愈，經常緩解，總是安慰」，就林起佢。
身體好唔好，出世個陣，係老豆老母比。長大緊個陣，仲可以瀨老豆老母。大個左，冇得瀨人，自己話事。
但係，人生係一半不明不白，一半係自己以為明白。咁，健康就係糊裡糊塗。
如果揀錯葫蘆，多幾條稻草，其中一條係「最後一根稻草」，咁就會有人「表示歉意，承諾會跟進作出改善」。il mare。