開場白
別人對我們不好，因為···
電影《月光寶盒》和《仙履奇緣》講述 500 年前，頑劣的孫悟空不想與唐三藏到西方取經，而被觀音大使所滅。500 年後，孫悟空轉世為盜賊首領“至尊寶”。《月光寶盒》中，妖魔鬼怪計劃捉唐三藏，食他的肉，它們到至尊寶所處的山頭。至尊寶認識了“白晶晶”及“春三十娘”，發生了一連串事件。最後至尊寶利用“月光寶盒”，無意間回到 500 年前。《仙履奇緣》中，至尊寶認識了 500 年前的“紫霞”，在愛情及取西經的困窘下，最後選擇戴上金鋼圈，成為孫悟空，繼續上輩子未完成的取西經任務。
500 年後
500 年後，孫悟空在菩提洞（500 年前叫做水簾洞），預備出發去取西經。菩提洞已成為遊客區。導遊和遊客遇上孫悟空。
導遊（500 年前的“菩提老祖”）：相傳 500 年前呢度就係水簾洞，齊天大聖就係喺呢度住噶嘞。自從渠打死牛魔王，救翻唐三藏之後，呢個世界就冇曬妖怪。自此之後好多人嚟呢度渾水摸魚。呢，嗰個嘢呀，裝個豬頭又話自己系豬八戒呀咁樣。華，大佬呀！（遇上孫悟空）你化個咁慨妝，又話當系孫悟空呀？俾啲專業精神得噶。你睇，嗰啲毛冚扮爛披曬慨，又好似戴兩塊咸煎餅喺個頭度咁樣。出嚟搵食呀，落啲本錢得噶。望咩嘢啫，你個妝系化得核突吖嘛，嬲都係咁話噶啦。（用手“隊”了孫悟空胸部 3 嘢。）
孫悟空：我唔會嬲慨，“隊”多我 3 嘢添。
導遊：你估計我唔敢呀？你啲咁慨人渣。（用手再“隊”了孫悟空胸部 3 嘢。）
孫悟空：多謝。
導遊：條友叫我“隊”渠 3 嘢，係咪前世欠咗我噶。
500 年前
孫悟空在水簾洞，打算和白晶晶結婚，春三十娘來到，逼他說出白晶晶的去向。
1 位菩提老祖朋友化身：大哥你有封信呀。（叫至尊寶為大哥。）
白晶晶（在信中說）：（你嘅良心話我聽，你最愛嘅唔係我，係另外一個女人（紫霞）。當我見到佢喺你良心嗰度留低嘅嘢之後，我覺得你經過呢 500 年翻嚟要搵嘅唔係我，而係佢。你同我都要相信，呢啲係天意，亦都係傳說中嘅緣分。）
至尊寶：晶晶走咗？
菩提老祖：我知，封信我睇咗啦。
2 位菩提老祖朋友化身：菩提大哥，咩事吖？
菩提老祖：你哋睇咗未呀？
2 位菩提老祖朋友化身：未呀.
菩提老祖：快啲睇下。（春三十娘突然來到。）
春三十娘：講！我知我師妹白晶晶嚟過呢度，佢依家響邊呀？
1 位菩提老祖朋友化身：唔知呀。
至尊寶：咩咁大仇，咁多年嚟你都唔肯放過你師妹？
春三十娘：咦，新郎哥，講到好似好熟咁嚄，不如就你話我知呀。
至尊寶：我都唔知佢去咗邊。
春三十娘：唔知呀，聽你講嘢，你心地唔錯嚄，嗰啲你朋友呀？
至尊寶：唔好呀喂！（春三十娘殺了 2 位 菩提老祖朋友化身。）
春三十娘：知唔知呀？
至尊寶：你夾硬要殺人嘅，殺我啦。佢哋唔識你師妹噶。全部係無辜噶。
菩提老祖化身：我同意。（春三十娘殺了菩提老祖化身。）
春三十娘：我不嬲都好佩服啲人唔怕死嘅。既然你係咁，我就成全你啦。
至尊寶：咪住！
春三十娘：哈！我以為你真係咁勇添。
至尊寶：橫豎都係囉，你幫幫忙。我聽講話，如果把刀出得快，落點准，劏開一個人之後，唔係即刻死住，隻眼仲睇到嘢，你拍硬檔，出手快啲，劏開我個心出嚟，俾我自己睇下得唔得？
春三十娘：乜嘢話？
至尊寶：我有個朋友話留低啲嘢喺我心裏邊，我好想睇嚇係咩嚟嘅。
春三十娘：無釐頭。你拋我！（春三十娘殺了至尊寶。）
500 年後孫悟空在菩提洞。
至尊寶：觀音大使，我琳我開始明白你所講嘅嘢。以前我睇嘢係用對肉眼去睇，但喺我死咗嗰一剎那，我開始用心眼去睇呢個世界。所有嘅嘢，真係可以睇得前所未有咁清楚。原來嗰個女仔喺我嘅心入面，留低咗一滴眼淚。我完全感受到佢當時係幾咁傷心。
觀音大使：塵世間嘅事，你唔再留戀啦咩？
至尊寶：冇所謂啦。生亦何哀，死亦何苦。（菩提老祖和 2 位朋友鼓掌出現。）
菩提老祖：講得好，講得好。
至尊寶：點呀老友，喂，坐吖喂。
菩提老祖：嚟吖，你坐吖。
至尊寶：最唔好嘅呢，就係連累咗我呢 3 位新相識，完全唔關佢哋事吖嘛。
菩提老祖朋友化身：乜說話吖。
至尊寶：不過我好唔明，憎一個人，可以 10 年，50 年，甚至 500 年咁憎落去，即係個人仇恨可以大到咁樣噶嚇。
觀音大使：所以唐三藏去取西經，佢就係想藉住呢本經書，去化解人世間嘅仇恨。
至尊寶：明白。我要留低，因為有啲事等住我去做，你哋自己嗱嗱林去投胎先啦。
菩提老祖：好呀。
至尊寶：呢世我累你哋俾人片咗 1 嘢，希望下世有機會可以還。
菩提老祖：要還起碼要還 3 嘢。
至尊寶：點話點好啦，菩提老祖提子。
菩提老祖：好啦，走啦，係咁先。
至尊寶：再見，唔送啦。
觀音大使：我要再提醒你一次，金剛圈戴上之後，你就唔再係一個凡人，人世間嘅情欲唔能夠再沾半點。如果動心，呢個金剛圈就會喺你頭上越收越緊，苦不堪言。
至尊寶：聽到。
觀音大使：喺戴上金剛圈之前，你仲有咩嘢說話想講？
至尊寶：曾經有一份至真嘅愛情擺喺我面前，但係我冇去珍惜，到冇咗嘅時候先至後悔莫及，塵世間最痛苦莫過於此。如果個天可以俾個機會我翻轉頭嘅話，我會同個女仔講我愛佢，如果係都要喺呢份愛上加上一個期限，我希望係一萬年。
收場白
別人對我們不好，因為···
《仙履奇緣》影片結尾：沒有了人間的愛，只為了完成任務而活著，真的就像「一條狗」。