大閘蟹
一個後生女（M 小姐）啱啱中學畢業，喺間金魚舖度做嘢。有次識咗個客 —— L 先生，佢係舞廳嘅主任。冇幾耐，佢哋兩個就同居喇。跟住 L 先生帶埋 M 小姐去舞廳做舞女。喺舞廳入面，M 小姐又識咗另一個客 —— W 先生，仲同佢撻著咗。跟手 M 小姐就離開咗 L 先生，轉去同 W 先生同居。
喺 M 小姐同 L 先生分手之前有一次，L 先生俾咗啲 LSD（迷幻藥）M 小姐食，搞到佢昏迷咗。第二朝起身，W 先生攞咗啲自己影嘅 M 小姐裸照俾佢睇。搬去同 W 先生住咗三四日之後，M 小姐將呢件事同 W 先生講返。W 先生試過兩次想攞返啲相，但係都唔成功。
有一晚，L 先生喺屋企同佢新女友（L 女士）喺埋一齊，W 先生就帶埋兩個朋友上門。喺傾偈傾傾吓期間，W 先生同佢嗰兩個朋友，最後將佢哋兩個綁到實一實，好似大閘蟹，又塞住個口，然後將佢哋殘忍咁殺死咗。其中一個朋友強姦咗 L 小姐。
我當時聽晒成單案嘅審訊。
後來 W 先生上訴得直，重審時，M 小姐失蹤，另一關鍵證人係庭上「失憶」，最終罪名不成立，當庭釋放。W 先生改名，又成功考取律師資格。
参考：
R v Wai Wing Sang and Ng Wai Keung, CACC 276/1990; 23 April 1992.
R v Wai Wing Sang and Ng Wai Keung, CACC 276/1990; 6 January 1993.
危險人物 2.0，夜總會雙屍案，2026 年 3 月 18 日。
衞度尊 (下稱「答辯人」) 前為衞度尊律師行 (被介入的律師行) (下稱「該律師行」) 的律師，香港律師，2019 年八月。
The Law Society of Hong Kong and Wai To Tsuen Hagon, CACV 502/2018; [2019] HKCA 618.
公屋名校生
呢排香港 Social Media 熱炒「公屋名校生」呢個話題，引嚟好大迴響。呢件事背後嘅殘酷現實，主要有以下三點：
- 朋友圈子嘅階級衝擊
基層學生就算靠讀書叻入到名校，一對住身邊中產或者有錢嘅同學，日常生活就會有極大對比。人哋平時講緊去歐洲旅行、着名牌、玩馬術或者高爾夫球呢啲貴價課外活動；公屋生就日日為咗食飯搭車、或者儲錢報補習班而頭痛。
- 人脈同資源嘅隱形差距
名校最值錢嘅唔止係學歷，仲有校友網絡同家長嘅背景。有錢家庭大把貨，可以幫仔女鋪好條路，好似安排大公司實習、出錢畀佢哋創業、或者一早規劃好去外國升學。呢啲「隱形資本」，公屋家庭根本無辦法比。
- 「夾喺中間」嘅失落感
呢班學生好容易陷入一種兩頭唔到岸嘅窘境。喺學校，會因為家境不如人而覺得自卑；返到屋企，父母又未必明名校嘅文化同壓力，結果同屋企人溝通唔到，慢慢變到有疏離感，甚至個心會埋怨。
参考：
- 公屋女憑實力考入中大後崩潰！揭3大殘酷現實 嘆窮L無資格談人生，2026-02-04。
- 公屋名校生怨老竇月入三萬無上進心 大嘆投錯胎掀論戰：唔爭氣先怨父母？，2026-11-10。
課外活動
呢啲貴價課外活動，令我想起返一啲往事。
十幾年前，我去小俏麗人（阿靚）間餐廳食晏。我留意到有個俏麗後生女侍應，就問阿靚媽媽佢係邊個。阿靚媽媽話，佢係阿靚家姐嘅同學。學校要求學生暑假去搵份工做，賺取社會經驗。呢個同學原本喺卡拉 OK 搵到份侍應工，阿靚媽媽一知，就即刻叫佢唔好做，仲請埋佢嚟自己間餐廳幫手。阿靚媽媽話，一個女仔人家，喺自己餐廳打工點都安全過喺卡拉 OK。
以前已經起步都唔同（M 小姐、L 先生、W 先生、L 女士），十個蛋糕，有一個人拎左九個，淨翻個跌爛左既比你地九個人分，佢仲要同你講，你有得分好好喇，其他人無得分。
依家世界變左好多喇，自己活喺個井度仲要後生都同佢望同一個井跟住咁行，講自己啲先苦後甜故事。