「讓波」係乒乓球歷史上嘅一種內部潛規則，為咗確保特定選手可以攞到冠軍，或者因為排兵佈陣需要，教練組會要求實力較強嘅選手故意輸俾另一名隊友。
中國乒乓球界嘅第一次讓分比賽發生喺 1961 年，第 26 屆世界乒乓球錦標賽喺北京舉行。入到男子單打前四名嘅，全數都係中國大將：莊則棟、李富榮、張燮林、徐寅生。男單金牌已經『鐵定』屬於中國。國家體委主任賀龍元帥提議要讓莊則棟做冠軍。賀龍嘅理由係：『讓小莊做冠軍有兩個原因，一係佢喺團體賽入面立過功，二係佢代表首都。』就咁，會議就確定咗男單冠軍係莊則棟。
半決賽開始啦。按照事先嘅計劃，徐寅生「順利地」輸俾咗莊則棟，而張燮林就「順利地」敗咗俾李富榮。李富榮上場之後，以 21：16 攞咗第一局。最後，李富榮連輸兩局，按照「計劃」讓波俾咗莊則棟。莊則棟成為當屆嘅世界冠軍！
喺 1963 年、1965 年舉行嘅第 27 屆、28 屆世界乒乓球錦標賽上，入到男子單打決賽嘅都係莊則棟同李富榮。李富榮又兩次奉命讓波畀莊則棟，原因同「國家利益」無關，而係要按照「計劃」生產出一個「三連冠」！
1978 年，年僅 14 歲嘅何智麗入選咗中國國家隊。1982 年，18 歲嘅何智麗獲得全國調賽女子單打冠軍；1984 年，20 歲獲得亞洲冠軍；1985 年，21 歲獲得世錦賽女團冠軍成員。
1986 年 9 月 30 日，何智麗 22 歲生日，正喺漢城參加第 10 屆亞運會，李富榮（已經是國家體會訓練局局長）通知何智麗：「我哋研究咗一下，你今日『讓』俾焦志敏！」何智麗唔服去搵徐寅生。徐寅生用安慰嘅口氣對佢講：「唔緊要，下次『讓』俾你。」第 8 屆亞洲乒乓球錦標賽喺深圳拉開帷幕。進入女子單打決賽嘅，依然係何智麗同焦志敏。今次，李富榮又通知何智麗：「你再『讓』一次！」
何智麗點都唔服呢口氣，急急去搵恩師孫梅英。孫梅英係前任乒乓國手，前任國家隊教練，全國人大代表。孫梅英企出嚟講嘢：「徐寅生唔係講過，下次『讓』畀何智麗咩？」徐寅生承認自己喺漢城講過呢句說話，但佢話：「我講嘅下次，唔係指呢一次！」
由於孫梅英據理力爭，最後領導改變咗決定：「好啦，呢一次焦志敏『讓』畀何智麗。」
1987 年何智麗隨國家隊出發參加第 39 屆新德里世乒賽。臨行前，對呢種行為極為唔滿嘅何智麗，向孫梅英表達咗自己嘅顧慮。孫梅英亦極其痛恨讓波呢種操縱比賽嘅行為，所以對何智麗話：「嗰你就唔好讓波。」何智麗憂心忡忡咁話：「如果我拒絕打假波，咁教練唔會令我上場嘅。」孫梅英就畀咗佢一個主意：「口頭上答應讓波，比賽時真打。」當時何智麗先23歲，好膽小，孫梅英嘅支持畀咗佢重要嘅影響。到咗比賽時，中國選手何智麗、管建華、戴麗麗同韓國選手梁英子進入半決賽。最終管建華以 0:3 全敗比何智麗。
1988 年，何智麗隨國家隊參加第 9 屆亞洲乒乓球錦標賽，獲得女子單打冠軍同女子雙打第三名。同一年的奧運會選手選拔，何智麗作為世界乒乓球冠軍，不但冇作為正式選手參賽，連替補資格都冇。孫梅英又急又氣，以中國乒乓球隊顧問嘅名義，喺 1988 年 8 月 9 日《中國體育報》發表咗《奧運乒乓女隊人選之我見》一文，列舉何智麗歷年嘅比賽成績，指出「何係可以作為乒乓球單打最佳人選之一參加奧運會嘅」。喺奧運會結束後，完全冇獲得上場資格嘅何智麗憤怒咁退出國家隊。
1989 年，何智麗同日本工程師小山英之結婚，遠走日本，並加入日本國籍，按日本傳統冠夫姓，更名小山智麗。
1994 年，日本廣島第 12 屆亞運會上，何智麗作為日本乒乓球國家隊選手參加亞運會，連勝中華（台灣）隊選手陳靜（同何智麗同期國家隊隊員，後遠走台灣）、中國隊的喬紅和鄧亞萍，成為該屆女子單打冠軍。
而家時代巨變，曾經畢業於上海七寶中學嘅體育前輩魏紀中先生國慶時講：「以前我哋冇乜嘢可以同西方比，就淨係用體育成績。但而家可比嘅嘢多咗，科技、經濟、社會制度、文化底蘊、城市繁榮、脫貧致富等等。體育成績已唔係唯一，我哋嘅思維方式都要轉變，用平常心。」
商業因素（包括廣告）同明星效應？
莊則棟嘅傳奇人生喺另外嘅古仔。變化滄桑，命運真喺最出色的導演，遠超人類嘅想象。莊則棟及其家庭的沉浮百年，喺中國滄桑世紀嘅縮影。
繁花落下歸平淡，爛漫頑童變老夫。
莫道盛年成往事，擒龍縛虎意如初。
——— 莊則棟
参考：
- 上海「沉思齋」(葉永烈)，央視國際，何智麗風波真相－犧牲品？還是叛逆者？，2007 年 03 月 09 日。
- 葉永烈，何智麗往事與中國女乒讓球史真相，2008 年 12 月 08 日。
- 《新民周刊》，著名作家、歷史學家葉永烈追溯中國乒乓讓球事件：受害者遠非何智麗一人，2007 年 3 月 23 日。