開場白
喺數學入面，方程（或者叫方程式）係由一條或者多條等式組成。 每條等式裡面，都表示兩邊表達式，係相等嘅。
方程通常含未知數，以已知數去求未知數，從而得出答案，呢個過程叫解方程，而答案數字叫做解。
但係，「≡」唔係「=」。
黯然銷魂飯
1959 年金庸出版左武俠小說，叫做《神鵰俠侶》。楊過喺絕情谷同小龍女失散左，為左排解喪妻痛苦，苦練出「黯然銷魂掌」。
1996 年，星輝海外有限公司上映香港電影《食神》。史提芬周喺少林寺廚房掛住火雞，火雞佢為自己擋子彈而死，琳起當日自己流落街頭，火雞為佢做左一碗叉燒煎蛋飯，於是在食神比賽煮出左感人至深的「黯然銷魂飯」。
咁就有左呢條方程式：
黯然銷魂飯 ≡ 叉燒煎蛋飯 —————–（1）
有六十年歷史嘅中環「蛇竇」（已結業）嘅 1 碟滑蛋叉燒飯（午市特價飯） 係 42 蚊。 炮台山某店的 1 碗黯然銷魂飯係 80 蚊。尖沙咀某酒店的 1 碗黯然銷魂飯係 240 蚊。灣仔某酒店的 1 份黯然銷魂飯套餐係 388 蚊。
男人的浪漫
2010 年，“AirSupply” 出版網文「火腩飯潮文」。
就有左呢條方程式：
男人的浪漫 ≡ 豆腐火腩飯 —————–（2）
「火腩飯潮文」 文抄如下：
我每食完一碟火腩飯之後都會同我女朋友講分手
因為我知道，佢已經唔再明白我佢唔知道我喺茶記所經歷過嘅有幾多
佢問我食乜，我真係唔想答佢
日本野? 泰國野? 真係膚淺
究竟我仲可以繼續忍受自己嘅伴侶將啲生嘅肉放入口每舊火腩都經過紅紅烈火，百度高溫
係經過歷煉，係經過漫長嘅試鍊
每一舊都有佢嘅歷史，佢嘅故事魚生究竟有啲乜?
根本就好似啲白痴港女咁，一無所知，戇鳩鳩，生勾勾我恨我嘅人生唔可以好似火腩咁
搵到咁多好嘅伴侶，豆腐，涼瓜，冬瓜，枝竹···各有特色
亦搵唔到咁多知音人有時侯，我自己一個坐喺茶記食火腩飯
我覺得自己係孤獨，我覺得呢個世界係冇人明白我
我叫左枝青島，我望住杯入面黃色嘅啤酒
我望唔透，我望唔清究竟呢個世界仲有幾多野我係掌握倒
我好迷茫我離開間茶記，我俾錢嘅時侯發覺有個 OL 食緊枝竹火腩飯
我望住佢，佢望住我
我地互相點點頭
我好感動，原來呢個世界仲有人係同我有相同嘅諗法我忍住淚水
走出茶記，點起支煙，頭都冇回就走返屋企或者個 OL 會問，點解我放棄呢一段咁難得嘅姻緣
我唔知道喺呢一刻
我覺得我係一個浪子
收場白
今天，膚淺的是厨子、食物、嘴巴、還是一滴香？