高登會員 AirSupply 發表一篇關於火腩飯的食後評。由於將「男人的浪漫」描寫得淋漓盡致，因此被視為經典潮文。當中的開頭以及結尾，出自黃子華 1994 年的棟篤笑《末世財神》。
今日食豆腐火腩飯，模仿他的潮文：
我每打完一單官司，都會同俏麗人講分手；
因為我知道，佢已經唔再明白我。佢唔知道我係法庭所經歷過嘅有幾多。
佢問我做乜，我真係唔想答佢；
「社會事件」案嘅控方外判大律師？ 強奸案嘅辯方大律師？ 真係膚淺。
究竟我仲可以繼續忍受俏麗人幾耐，佢將「追求公義」講出口。
其實，每單案只係為左或然率，搵出發生左嘅事嘅可接受版本係乜。
係經過主問，係經過盤問，係經過詳細嘅考慮。
每單案，雙方都有佢既歷史，佢既故事。
公義究竟有啲乜？根本就好似啲白痴港女咁，一無所知，戇鳩鳩，噏得就噏。我恨我既人生唔可以好似官司； 搵到咁多好既伴侶：控罪條文、同意案情、中段陳詞、表證成立、合法辯解、顛倒責任、狹義解釋；各有特色；
亦搵唔到咁多知音人。有時侯，我自己一個坐係法庭等開聽，唔係開庭；
我覺得自己好孤獨，我覺得呢個世界係冇人明白我。
我打開手提電腦，我望住灰色嘅芒；
我望唔透，我望唔清究竟呢個世界仲有幾多野我係掌握到。
我好迷茫。我冚埋部電腦，發覺同庭嘅另一單案嘅女律師，打開手提電腦，眼光光望住灰色嘅芒。
我望住佢，佢望住我；
我地互相點點頭。
我好感動，原來呢個世界仲有人係同我有相同既諗法。
我忍住淚水；
走出法院，開番個手提。
頭都冇回就行路番 chambers。
或者個女律師會問，點解我放棄呢一段咁難得既姻緣。我唔知道。
係呢一刻；
我覺得我係一個跑法庭搵食嘅浪人（ronin）。
AirSupply 原文在這裏。