开场白
呢个系小说。
以前系叫事頭婆嘅仆人，话佢地薪高量准医疗好。
事頭婆嘅仆人病左，当然以为揾事頭婆嘅其他嘅仆人帮手，傻佬咁谂原来系错嘅。
第一回
傻佬病左。
第 1 位事頭婆医生话：「科学倡明，但系唔知道病因㗎，乜病因都系食类固醇。不过你有冇乜乜物物病，有就有敏感风险。」第 1 位事頭婆医生系事頭婆仆人診所嘅医生。
傻佬话：「我耶几年都冇睇医生同埋入院，再之前只系做过急性盲肠手术。」
第 1 位事頭婆医生话：「咁就要验血啦，攞呢张纸，去呢一间事頭婆医院登记排期，通常要 3 到 6 个月，验完番泥再排期，我再睇你，咁就过左医治黄金期啦，你明唔明个手续？」
傻佬话：「明。」傻佬复述一次手续比佢听，证明自己嘅洋名唔系帕金森，系牺牲。真咖，佢嘅洋名读音系牺牲。
傻佬心裏面话：「你即系话，你死你事，呢啲系资源匮乏嘅问题。你系乜······医生。」
傻佬心裏面又话：「你······味。」
咁傻佬就去左另一间事頭婆医院登记，边行边谂：「为事頭婆服务，原来系咁，你战死就带你条咸鱼番乡下，盖米字旗，你未死，食自已啦。」
第二回
第 2 日，俏丽人知道傻佬病左，即刻安排佢第 3 日见第 2 个事頭婆医生。呢个医生系一间事頭婆医院嘅专家。佢话：「等得泥都死啦，下次有事，唔好去乜乜睇，去急症室。」
傻佬先至明白点解话急症室爆棚。
第 2 个事頭婆医生仲主动傾左 Montgomery 同埋 Bolam 案例。
佢又话：「听你讲旧时，应该推断冇乜乜物物病，呢个系 calculated risk，唔怕，你要即刻食类固醇。有人好得快，有人要半年，好少好翻百分百 。你记得唔好睇中医同针灸。乜乜物物，乜乜物物。」
傻佬当然立下毒誓，身为类研究猿，点会信呢啲嘢。
佢再话：「你要物理治疗，排期都要一年半载，出去私家医院做啦。」
第三回
第 3 日，俏丽人话，不如去薄扶林学堂睇针灸，又话同傻佬安排。傻佬话唔好针灸啦，因为第 2 个事頭婆医生话乜乜物物，话中医同针灸唔好。
第 4 日，俏丽人话问左教授，教授话有文献话唔好针患部，但喺可以食中药，针其它部位。傻佬话唔好啦，针咗會唔會有個印，佢唔想第 2 个事頭婆医生知道。
第四回
第 5 日，第 2 位俏丽人知道傻佬病左，就立刻约左一个按摩师傅，话佢有一套特别嘅按摩手法，傻佬冇得唔去。师傅话做按摩三四个礼拜会好番，叫左个女助手按摩傻佬，隔日泥按摩。
第五回
第 6 日，傻佬又揾左私家医院嘅女物理治疗师，佢用电疗同按摩，一个礼拜两次。物理治疗师黐胶垫系患部，由助手连接电源同埋较电量。几个礼拜后，女物理治疗师话不如用电针，搵過美女叫傻佬签免责文件。事頭婆仆人点会签，傻佬继续比佢电疗同按摩，冇用电针。其实有一次，物理治疗师助手唔小心，错手撥錯掣，開咗好大电，傻佬冇出声投诉，佢冇心，佢打工啫。不过，用电针，又系由助手连接电源同埋较电量，就真系·······
第六回
第 7 日，第 3 位俏丽人知道傻佬病左，同佢约左针灸师傅，傻佬唔推得。针灸师傅话针十几次就好番。佢冇针患部架。
第七回
某日，第 4 位俏丽人话佢去医院针灸，做电针，针端断左，唔知道留低喺身体里面。后泥痛，去医院，先至发现断针。果间医院系针灸师插针，助手连接电源同埋较电量，助手出针。
唉，出针時要睇吓有冇斷针，同埋數下有冇少到針，有冇睇漏咗啲针冇盟。
其实，好多乜乜喺日日「经历少男與女神情懷」；当然有市场供求、知識水平、經驗多少、同埋资源匮乏嘅问题影響。
第八回
半年后，第 2 个事頭婆医生叫傻佬去做脑扫描，因为佢复完好慢，唔知做乜鬼。第 2 个事頭婆医生又话，脑扫描排期都要一年半载，出去私家医院做啦。
去到私家医院，傻佬瞓喺到，锁住，变左白老鼠，思前想后，觉得佢旧时好幸运，多次严重嘅交通事故，只喺刮伤。
脑扫描报告出左，第 2 个事頭婆医生话冇事。
第九回
第 5 位俏丽人话佢、同埋同事都有呢个病，1 个月好翻。佢仲话要傻佬睇脑神經，比左好多維她命丸佢。
第十回
呢几位专叶人士，傻佬睇左 1 年有多。初頭佢哋話······。
期间，傻佬见到好多病人。点解人类会病？点解到处寻医问药？点解一啲医唔好？一啲医好会复发？身为类研究猿，傻佬都翻下书本，睇睇乜事。
傻佬心裏面就话：「你地啲专叶人士，读乜······书。我泥读。」
傻佬想报名读医科本科，呢个想法，做白老鼠时出现。于是，向教医嘅教授投石問路，教授话教得你毕业，你都好快做阎罗王女婿啦，徙政府钱，你唔好报啊。
傻佬心裏面就有野想讲，当然冇出声，读博含辛茹苦，明白喺大学里面，乜野係形勢唔係俾人強。
傻佬话我读硕士研究生囉，毕左业，唔会同医生争饭碗，因為執唔到叶，而且你啲學生又唔鍾意讀碩士博士。佢就话，你喺博士，读研究问题唔大，不过，你攞左同医有关嘅文凭先讲啦。
傻佬心裏面就话：「唔知系唔系耍我。」
咁傻佬就读完左个一年证书，而家读文凭，希望下年，它们会收佢读硕士啦。
收场白
东汉张仲景写《伤寒卒病论集》。佢嘅序言第一句话就系：
余每览越人入虢之诊，望齐侯之色，未尝不慨然叹其才秀也。怪当今居世之士，曾不留神医药，精究方术，上以疗君亲之疾，下以救贫贱之厄，中以保身长全，以养其生。但竞逐荣势，企踵权豪，孜孜汲汲，唯名利是务。崇饰其末，忽弃其本，华其外而悴其内，皮之不存，毛将安附焉？···
舞台剧《南海十三郎 》收场白数白榄：
「个故事已讲完，杂乱不成章，因为系讲个傻佬，所以讲古嘅都傻憨憨。一半似真实，一半好夸张，究竟边样真时边样假，你地无谓用脑去思量。须知用脑用得多，会变得痴呆相。人生如一梦，转眼又散场。你可以开番个手提，去宵夜直落大排档。在此讲拜拜，祝君乐安康，乐安康！」