類研究猿（Erevnitíspoid）剛剛又聽到人類講：「我哋唔會排除嘅。」佢想話，佢擔心嘅事，會有小小可能發生嘅。
文縐縐就係「不會排除有此可能性」。直譯就係 “wouldn’t rule out/exclude the possibility”。
其實，邏輯上：
如果我地話「有此可能」，準確嘅意思係呢件事，確實可能會發生，咁就排除左「事情不可能發生」呢種情況。
如果我地話「不排除有此可能」，準確嘅意思係，冇證據話呢件事可能發生，都冇證據顯話呢件事唔可能發生；即係呢件事，係唔係可能發生，我地都唔知㗎。
如果我地話「沒有這種可能」，準確嘅意思係，呢件事係冇可能發生嘅，即係排除左「事情可能發生」呢種情況。
據聞，人類講「我哋唔會排除嘅」，意思係，「有此可能」，但係機會細，如果唔發生，都唔關我事，我冇講錯。人類又唔想講，我地都唔知呢件事，係唔係有可能發生。
又據聞，人類語言不斷突變和進化，唔使計較咁多。
當然，類研究猿只略懂嬰孩語，狗語和代碼，眾俏麗人話唔好插嘴。
語言係一半不明不白，一半係自己以為明白。