某年事頭婆僕人去番邦翻工，嗰度有事頭婆個屋企。
不幸染病。人地生疏、孤苦伶仃、唔識路搵大夫。自己「鄉下」啲事頭婆嘅僕人仲未開工，惟有撥個輪搵「駐事頭婆屋企辦事處」嘅事頭婆嘅僕人、問下點攪。佢地話，「鄉下」送你泥、你打番去鄉下問。我話人地瞓緊教。佢地話，我地係度係同洋人聯系做生意、你唔好搵我地。我話淨係問下邊度有大夫姐。佢地話你打番去鄉下問。
事頭婆僕人諗起「文言文」嘅「關我鳥事」、同埋「你們是什麼鳥人？」
又諗起 1990 年波斯灣戰爭、各國徹僑、個啲揸住乜乜 NO 嘅，嗱嗱臨搵翻自己嘅真正鄉下嘅領事館求救、得到佢地拯救番屋企。
事頭婆僕人即刻撥個輪去領事館、唔識講漢語、但佢地用番話教點去睇醫生、仲話唔掂可以去搵佢地。當時，事頭婆僕人冇表露身份、話係 O乜乜S ，只係話係流浪嘅忤逆仔。感激流涕、無言以對。
去到洋人醫院、冇檢查證件、只係問姓名住址、佢就話、呢間係客棧、你係外星人泥侵略地球。
流浪的忤逆仔仲有啲尊嚴、仲有冇得扮唔係流浪、惟有招供、話唔係地球人，係流浪宇宙，尋求幫助。佢話，等佢問下睇唔睇；佢番泥話、醫生唔會見死不救。
事頭婆僕人心諗、唔係會死係番邦係唔係阿。又諗，點解佢哋好過「駐事頭婆屋企辦事處」嘅事頭婆嘅僕人。
佢安排左個俏洋人診症、免費、仲有冰淇淋食。結果冇死係番邦。
事頭婆僕人心諗，出外唔好靠·······。
後泥，事頭婆僕人諗起舊陣時聽死鬼老爺講故仔，講過洋人領事館。佢係南亞裔、出世係「陽光灼熱之地」嘅一個殖民地，大個咗係番邦讀大學。嗰陣時，番邦大學畢業，唞一唞，可以攞到個番邦護照，變左洋人。呢啲護照唔係後來嘅乜乜啲 C 、唔係後來嘅乜乜 NO 。嗰啲乜乜啲 C 、同埋乜乜 NO 嘅印刷顏色、字體、紙質，同番邦護照有小小唔同、受過訓練嘅，就分辨得到，唔使睇內容。
死鬼老爺冒死忠心服務，做到「陽光灼熱之地」嘅一個殖民地嘅部門首長，高級手下是歐羅巴人種，持番邦護照、大家住係高級公務員宿舍、好似而家的別墅區咁。
後泥，當地打交、爭做話事人，各國開始徹僑、要求旅居僑民盡快離開，一個個洋人高級手下同埋屋企，由事頭婆嘅領事館，特別安排走佬番鄉下。死鬼老爺以為事頭婆嘅領事館會通知佢幾時走佬。
別墅區一個一個手下走佬。好彩有佢老婆，唔係就「三年又三年」。
有日，佢老婆話，隔離屋阿乜乜個老婆話今日走、係最後一班機。死鬼老爺撥個輪去事頭婆嘅領事館。佢地話，我地接洋人番鄉下、你係······。死鬼老爺背個番邦護照冧把比佢地；人地話，我地以為你唔想走，你而家要走，就係最後一班機。
咁，佢攞左幾件卹衫同套西裝、就條條揈、爭啲上唔到機，飛去番邦投靠細佬，錢財一剎那冇晒。飛機起飛，新話事人上台。
死鬼老爺話故事教訓係，洋人·······。
事頭婆僕人諗，出外靠·······。